2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Hótel Grímsborgir fyrsta hótelið með 5 stjörnur

Hótel Grímsborgir er fyrsta hótelið á Íslandi til aðð fá vottun sem fimm stjörnu hótel frá Vottunarstofunni Túni og Ferðamálastofu í samræmi við kröfur Vakans gæða- og umhverfiskerfis ferðaþjónustunnar segir í fréttatilkynningu frá hótelinu.

 

„Við hjá Hótel Grímsborgum erum himinlifandi og stolt með 5 stjörnu viðurkenninguna sem er hvatning til að gera enn betur og halda áfram að gera allt sem í okkar valdi stendur til að bjóða gestum okkar upp á stórkostlega upplifun á meðan á dvöl þeirra stendur,“ segir í tilkynningunni.

Hótelið er staðsett í Grímsnesi við Gullna Hringinn á bökkum Sogsins og tekur allt að 240 gesti í gistingu í 68 superior herbergjum, 7 svítum, 5 stúdíóíbúðum og 7 stærri íbúðum með 4 svefnherbergjum hver sem rúma allt að 8 manns. Herbergin og svíturnar eru með sér verönd/svalir og allir gestir hafa aðgang að heitum pottum sem eru samtals 29 á hótelinu.

Vakinn er sérhannað gæða- og umhverfiskerfi fyrir íslenska ferðaþjónustu sem byggir á erlendri fyrirmynd. Gæðaviðmið Vakans fyrir hótel byggja á viðmiðum Hotelstars Union, hotelstars.eu samkvæmt nýju fyrirkomulagi sem tók gildi í byrjun árs 2019.

AUGLÝSING


Ferðamenn um allan heim eru vanir að hafa stjörnugjöf til viðmiðunar þegar þeir velja sér gististaði. Stjörnugjöf hefur alþjóðlega skírskotun og auðveldar fólki að velja sér gistingu í þeim gæðaflokki sem það kýs þó flokkunin sé ekki alfarið samræmd milli landa.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum