Þriðjudagur 4. október, 2022
8.8 C
Reykjavik

Hrafn Jökuls kom Steinunni Ólínu til bjargar aðeins 8 ára: „Íslandssonur sannur og góður“

Helgarviðtalið

- Auglýsing -

Orðrómur

- Auglýsing -

Steinunn Ólína Þorsteinsdóttir minnist Hrafns Jökulssonar í nýrri Facebook-færslu. Þar segir hún sögu af fallegu hjartalagi Hrafns þegar hann var aðeins polli.

Náttúrubarnið Hrafn Jökulsson

Hrafn Jökulsson lést í gær eftir erfiða baráttu við krabbamein í hálsi. Hrafn var vinamargur og hafa fjölmargt samferðafólk hans minnst hans í gær og í dag. Eitt þeirra er leikkonan og þáttastjórnandinn Steinunn Ólína Þorsteinsdóttir. Í færslunni segir hún sögu sem hún rifjaði nýlega upp með Hrafni en sagan sýnir hversu snemma hjartagæska Hrafns kom í ljós:

„Ég heimsótti Hrafn á heimili Diddu fyrir rúmum mánuði síðan en þar bjó hann hjá sinni traustu og góðu vinkonu siðasta æviárið og rúmlega það. Við stöndum öll í þakkarskuld við hana Diddu, að reynast þessum einstaka manni Hrafni Jökulssyni svo vel.

Íslandssonur sannur og góður og einstaklega góðum gáfum prýtt flækjumenni. Maður sem auðgaði samfélag okkar og sagði þegar aðrir þögðu.
Ég heimsótti hann til að segja honum sögu sem ég var viss um að hann væri búin að gleyma og hann tók af mér loforð að skrifa þessa sögu niður.
Þannig var að ég var ásamt mömmu gestur á heimili Jökuls. Heimilið var við sjóinn og það er sumar. Ég er kannski 4-5 ára. Þetta var erfið heimsókn því Jökull og Mamma voru hvorugt með nokkra getu til að sinna börnum sökum drykkju. En þá kom Hrafn mér til bjargar 4 árum eldri. Hann smurði handa mér brauð með sultu og lék við mig og huggaði. Svona var Hrafn átta ára hnokki. Hver passaði hann?
Börnum, eiginkonu, vinum og fjölskyldu Hrafns sendi ég mínar hlýjustu samúðarkveðjur.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -