- Auglýsing -
Hrafnhildur nokkur trúði varla sínum eigin augum yfir verðmuninum þegar hún verslaði í matvörubúð í S-Evrópu, í samburði við verðlagið hér á landi. Hún segir hreinlega hafa fengið óbragð í munninn þegar hún áttaðist sig á hinum sláandi verðmun.
Hrafnhildur segir frá upplifun sinni í fjölmennu samfélagi á Facebook, Sparnaðartips!. Við skulum gefa henni orðið:
„Þegar að maður verslar í matinn í suðurhluta Evrópu þá fær maður nett óbragð í munninn yfir verðlagi á Íslandi!! Allt þetta og ég borgaði rétt um 3.900kr íslenskar og já ég var bara að kaupa það sem mér langaði í og keypti 2x litlar vínflöskur líka. Ég þurfti ekki að passa mig að finna það ódýrasta eða besta tilboðið eins og öll innkaup heima á Íslandi snúast um!,“ segir Hrafnhildur.
Fjölmargir blanda sér i umræðuna undir frásögninni. Sumum finnst samanburðurinn ósanngjarn á meðan aðrir furða sig á verðmuninum. Guðrún er ein af þeim fyrrnefndu. „Finnst persónulega ekki hægt að bera þetta saman. Launakostnaður hérna er liklegast 2-3x hærri en gengur og gerist í því landi sem þú ert stödd. Leigan á vinnuhúsnæði líklegast líka minni og margt heimavara/eða vara innan evrópusambandslagsins svo minni skattar lagðir ofan á vöruna. Já, margt mætti bæta á íslandi, en finnst þetta ekki vera gott dæmi um það, segir hún.
Í kommentakerfinu stígur nafna færsluhöfundar fram og tekur undir varðandi verðmuninn. „Það er svakalegt að þegar maður fer í matvörubúðir erlendis að maður lætur eins og barn sem kemst í nammiland. Allt úrvalið OG verðlagið! Sko matur er ekki lúxusvara heldur nauðsynjar. Það er ekki bara hægt að segja að flutningskostnaður og skattar séu orsökin, það er líka fákeppni og hagnaðargræðgi, þetta er spurning um hinn gullna meðalveg, hversu mikinn arð „þurfa“ fyrirtæki að greiða hluthöfum… þetta er orðið svo klikkað eitthvað…,“ segir Hrafnhildur.
Einn meðlimur hópsins stígur þá fram og bendir á að þetta hafi ekki einu sinni verið ódýra matarkarfa sem Hrafnhildur verslaði. „Vonandi sé ég ekki dónaleg en ég er frá Spáni og að borga næstu við 30€ er dýrt fyrir það sem þú hefur keypt,“ segir viðkomandi.