Myndskeiði af hrottalegri árás barna á stúlku fyrir utan verslun á Íslandi hefur verið deilt á samfélagsmiðlinum Facebook. Á myndskeiðinu sem er í dreifingu eru andlit barnanna ekki afmáð. Eins heyrist greinilega hlátrasköll þeirra sem ekki taka virkan þátt í barsmíðunum. „Send me the video,“ heyrist í einu barnanna biðja viðkomandi sem tekur upp myndskeiðið.
Samkvæmt athugasemdunm við færsluna hlaut fórnarlamb árásarinnar verulega áverka. Rifið var í hár hennar, hún margendurtekið slegin hnefahöggum í höfuðið og sparkað í líkama hennar.
Af viðbrögðum þess sem deilir færslunni má skilja að árásir ungmenna hafi færst í aukanna og það þurfi að stöðva. Tæplega 26 þúsund manns hafa horft á myndskeiðið og 500 manns deilt færslunni. Hátt í tvö hundruð athugasemdir hafa verið gerðar við færsluna.
Hér í myndskeiðinu hefur andlitum barnanna verið afmáð og hljóðsporið fjarlægt. Vert er að benda á að myndskeiðið er ekki fyrir viðkvæma.