2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Hvetja ekki til ferðabanns en eru í viðbragðsstöðu

Íslensk yfirvöld telja ekki ástæðu til að hvetja til ferðabanns til Kína en ferðamenn eru hvattir til að huga vel að sýkingavörnum. Þá þykir ekki ástæða til að skima farþega á flugvöllum hér á landi.

Þetta kemur fram í nýrri frétt á vef Landlæknisembættisins.

Þar segir að undirbúningur á Íslandi vegna kórónaveirunnar 2019-nCoV miðist við alvarleika veirunnar í ljósi nýrra áreiðanlegra upplýsinga.

Undirbúningur á Íslandi sé samkvæmt viðbragðsáætlun sóttvarnalæknis og almannavarnadeildar ríkislögreglustjóra en í því felist að leiðbeiningar og áætlanir frá SARS-faraldrinum 2002 verði uppfærðar og viðbragðsaðilar upplýstir.

  • Leiðbeiningar til heilbrigðisstarfsmanna verða uppfærðar og gefnar út.
  • Gefnar verða út leiðbeiningar til almennings um hvernig eigi að nálgast heilbrigðiskerfið ef grunur vaknar um sýkingu af völdum hinnar nýju veiru.
  • Leiðbeiningar verða gefnar til ferðamanna um viðbrögð heilbrigðisyfirvalda á Íslandi og hvernig ferðamenn geti nálgast heilbrigðiskerfið hér á landi.
  • Á alþjóðlegum flugvöllum landsins verður unnið samkvæmt landsáætlun um sóttvarnir flugvalla.
  • Heilbrigðisstofnanir hafa verið hvattar til að uppfæra sínar viðbragðsáætlanir.
  • Ekki er ástæða til að hvetja til ferðabanns til Kína en ferðamenn eru hvattir til huga vel að sýkingavörnum Opnast í nýjum glugga.
  • Ekki er ástæða til að skima farþega á flugvöllum hér á landi.
AUGLÝSING


„Sóttvarnalæknir birtir nýjar og mikilvægar upplýsingar á heimasíðu embættis landlæknis eins og þurfa þykir,“ segir á vef embættisins.

Þar segir einnig að sennilega sé 2019-nCoV upprunin í dýrum en hafi öðlast hæfileikann til að sýkja menn. „Staðfest er að veiran getur smitast manna á milli en óljóst er hversu smitandi hún er. Ekki er vitað hversu hátt hlutfall smitaðra fær alvarlega sýkingu eða hvaða dýr er upphaflegur hýsill veirunnar.“

Lestu meira

Annað áhugavert efni

Nýjast á Mannlíf.is

Nýjast á Gestgjafanum