Illa búið fólk í lífsháska á Laugaveginum: „Farþegarnir mínir munu aldrei gleyma þessum leiðangri“

Hjalti Björns­son, leið­sögu­maður og þaul­reyndur björg­un­ar­sveita­maður, segir að algjört neyð­ar­á­stand hafi skap­ast í dag á Lauga­veg­inum, á milli Land­manna­lauga og Þórs­merkur, vegna aftaka veð­urs. Nú í kvöld þurfti að flytja 90 manns til byggða.

Hjalti segir á Facebook að ótrú­lega margir hafi verið illa búnir og því sumir hætt komni vegna ofkæl­ingar. „Fréttir af Lauga­veg­inum. Skíta­veður var í dag á þess­ari fal­legu leið. Hrika­lega margir van­búnir og lenti fjöldi manns í gríð­ar­legum vanda vegna ofkæl­ingar. Hiti var um 0°C og vindur 18-20 m/sek. og mikil rign­ing,“ segir Hjalti.

Hann segir suma hafa þurft að fara á sjúkra­hús, svo mikil var kuld­inn. „Hópur sem ég leiddi fyrir Arctic Adventures stóð sig hrika­lega vel. Komum  alvar­lega ofkældum ein­stak­lingum til aðstoðar og í skjól þar til Björg­un­ar­sveit gat sótt þau og komið þeim á sjúkra­hús,“ segir Hjalti.

Bjarta hlið máls­ins er hins vegar frá­bær við­brögð þeirra sem stóðu að björg­un­inni. „Þegar þetta er skrifað þá er Southcoast Adventure  að flytja um 90 manns úr Emstum til byggða. Segja má að algjört neyð­ar­á­stand hafi skap­ast hér í Emstrum og stóðu skála­verðir Ferða­fé­lag Íslands  þau Guðbjörn Gunn­ars­son  og Sesselja Krist­jans­dottir  sig afburða vel. Far­þeg­arnir mínir munu aldrei gleyma þessum leið­angri.“