Fimmtudagur 28. mars, 2024
-4.2 C
Reykjavik

Inga gerir upp gamalt hús rifbeinsbrotin: „Ég er bara klár í bátana og kem margefld til baka“

VefTv

- Auglýsing -

Hlaðvörp

- Auglýsing -

Hin eiturhressa Inga Sæland, þingmaður Flokks fólksins á afmæli í dag. Ku hún hafa fæðst á því herrans ári 1959, akkurat á þessum degi, 3. ágúst. Ef grunnskólastærðfræðin bregst mér ekki er hún því 63 ára í dag.

Inga Sæland kom eins og stormsveipur inn í íslenska pólitík er hún stofnaði Flokk fólksins árið 2016 og komst hún inn á þing árið 2017 og hefur verið skeleggur bandamaður litla mannsins æ síðan. Inga vakti reyndar fyrst athygli á sér á öðru sviði en pólitík en hún er liðlegur söngvari en hún keppti í íslenska X-Factor árið 2006 og náðu hún fimmta sætinu sem verður að teljast afar gott.

Mannlíf heyrði í Ingu í tilefni dagsins og spurði hana hvort og þá hvernig hún ætlaði að fagna deginum.

„Ég er hérna norður á Ólafsfirði, er búinn að vera hérna í rigningu í mánuð, nei ég segi svona,“ svaraði Inga og skellihló. „Ég tek því bara rólega, ég rifbeinsbraut mig hérna. En ég hitti bara mína félaga hérna en það eru engin veisluhöld eða neitt slíkt, ég elda samt góðan mat í kvöld og hef það kósý.“

En hvað er svo á döfinni hjá Ingu á næstunni?

„Við ætlum að vera hérna aðeins lengur, við erum að gera upp gamalt hús á Ólafsfirði en svo förum við heim um miðjan ágúst. Það er aukaþing skilst mér í ágúst en ég veit nú ekki alveg dagsetninguna. Það á að fjalla um skýrslu ríkisendurskoðunar vegna sölunnar á Íslandsbanka. Þannig að ég er bara klár í bátana og kem margefld til baka.“

- Auglýsing -

Mannlíf óskar Ingu innilega til hamingju með afmælið!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -