Miðvikudagur 27. mars, 2024
2.8 C
Reykjavik

Inga Sæland fjúkandi reið á Bylgjunni: „Æi góði besti, hættu þessu rugli og bulli“

VefTv

- Auglýsing -

Hlaðvörp

- Auglýsing -

„Æi góði besti, hættu þessu rugli og bulli. Guð minn almáttugur,“ er meðal þess sem Inga Sæland, formaður Flokks fólksins, lét vaða yfir þáttastjórnendur Bítisins á Bylgjunni í morgunsárið, þá Heimir Karlsson og Gulla Helga. Hún reiddist ítrekað í viðtalinu og sagði þá félaga einfaldlega treggáfaða.

Það sem fékk Ingu til að rjúka upp var umræðan um sóttvarnaraðgerðir hér á landi gegn Covid-19. Hún er æf yfir öllum tilslökunum og undanþágum sem gefnar hafa verið. „Í blússandi Covid eru settar undanþágur á Þorláksmessu, einum mesta fyllerísdegi ársins. Hver í ósköpunum gerir svona? Það er verið að láta þessa veiru gossa yfir okkur þannig við getum ekki um frjálst höfuð strokið. Landamærin eru míglek,“ segir Inga.

„Það eru of margir sem sleppa í gegn og við náum ekki að anna landamæraeftirlitinu. Ég hefði viljað halda jafnvæginu sem við vorum búin að finna og leyfa okkur Íslendingum að njóta vafans. Ég vil vera fjáls. Ég vil getað faðmað fjölskylduna mína og látið eins og villingur í mínu eigin landi.“

Þeir Gulli og Heimir reyndu að malda í móinn. Þeir reyndu að benda Ingu á að málflutningur hennar væri heldur til einsleitur og spurðu meðal annars hvort ekki væri mikilvægt að horfa til sem flesta sjónarmiða þegar aðgerðir væru ákveðnar. Inga var ekki sátt með spurningarnar:

„Þeir sem spyrja að þessu eru greinilega ekki vel upplýstir, mér líður nánast eins og ég sé komin í Kastljósið með Einari Þorsteinssyni. Hvað eruð þið að drekka út í morgunkaffið?“

Það er óhætt að segja að viðtalið við Ingu hafi verið hressandi byrjun á deginum og því var Gulli greinilega sammála því hann kvaddi Ingu með orðunum að „þetta væri skemmtilegasta viðtal“ sem hann hefði átt við hana.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -