Inga Auðbjörg Straumland, formaður Siðmenntar, telur það óboðlegt að þingmenn hér á landi þurfi enn þann daginn í dag að skrifar undir „drengskaparheit“ þegar þeir setjast á þing. Hún krefst breytingar þar á hið fyrsta.
Inga segir skoðun sína í færslu á Twitter þar sem hún leggur áherslu á að hún vilji að sjálfsögðu að þingmenn kvitti undir að vera heiðarlegr í vinnunni. Inga vill bara að það heiti eitthvað annað en drengskaparheit.
„Pælið í því að þingkvár þurfi ennþá að skrifa undir „drengskaparheit“. Og ef einhver segir: „Nei, sko þú skilur ekki… Drengskapur merkir heiðarleiki, þúst, drengur góður“… þá skalla ég viðkomandi með krullunum mínum,“ segir Inga Auðbjörg, sem útskýrir jafnframt hvers vegna hún forðast að nota orðið þingmaður:
„Ég forðast að nota það þegar ég er að tala um hóp af fólki sem ekki eru öll menn.“