- Auglýsing -
Ingólfur Þórarinsson eða Ingó veðurguð eins og hann er jafnan kallaður, hefur ákveðið að áfrýja dómi Héraðsdóms Reykjavíkur sem féll 30. maí síðastliðinn. Ingólfur stefndi Sindra Þór Sigríðarsyni fyrir meiðyrði en Héraðsdómur sýknaði hann.
Staðfesti Auður Björg Jónsdóttir, lögmaður Ingólfs, þetta við fréttastofu Vísis. Segir hún áfrýjunarstefnu verða senda Landsrétti í dag.
Í málinu krafðist Ingólfur þess að fimm ummæli Sindra um sig yrði dæmd dauð og ómerk. Krafðist hann einnig þriggja milljóna króna í miskabætur.
Ekkert annað kom til greina sagði Auður Björg í samtali við Vísi.
„Við teljum dóminn bersýnilega rangan og áfrýjum í því skyni að fá honum hnekkt. Ég myndi aldrei leggja til að áfrýja málinu nema ef ég myndi telja svo vera.“