Búið er að draga í undanriðla fyrir Eurovision. Útdrátturinn leiddi í ljós að Ísland mun keppa á seinna undankvöldinu sem fer fram 14. maí en það fyrra er haldið 12. maí.
Aðalkeppnin fer fram í Rotterdam í Hollandi 16. maí.
Ísland keppir með Austurríki, Moldóvu, Póllandi, San Marínó, Serbíu, Tékklandi, Grikklandi, Estóníu, Danmörku, Búlgaríu, Sviss, Finnlandi, Armeníu, Lettlandi, Georgíu, Portúgal og Albaníu í riðli.
Hver keppir fyrir hönd Íslands?
Tíu lög hafa verið valin til þátttöku í Söngvakeppni Sjónvarpsins 2020. Fimm lög etja kappi í fyrri undanúrslitum í Háskólabíói laugardaginn 8. febrúar og fimm lög viku síðar í seinni undanúrslitum 15. febrúar.
Þau tvö lög sem hljóta flest atkvæði í símakosningu hvort kvöld tryggja sér sæti í úrslitum. Því keppa fjögur lög til úrslita í Laugardalshöll 29. febrúar og verður sigurlagið framlag Íslands til Júróvision. Svo gæti farið að eitt lag verði valið sem svokallað wild card úr annarri hvorri undankeppninni, því á tíminn eftir að leiða í ljós fjögur eða fimm lög keppa til úrslita.
Sjá einnig: Söngvakeppnin 2020: Þessi taka þátt í ár