Utanríkisráðuneytið ráðleggur Íslendingum sem staddir eru í Póllandi og vilja komast úr landinu fyrir lokun landsins, til þess að fara landleiðina akandi yfir landamærin til Þýskalands, eða annarra landa þar sem hægt er að komast í alþjóðlegt flug.
Pólsk stjórnvöld hafa lokað alþjóðlegum flugsamgöngum og munu aðrar almenningssamgöngur leggjast af að mestu leyti. Lestarsamgöngur munu leggjast af frá og með miðnætti í kvöld, aðfararnótt 15. mars.
Á fundi ríkisstjórnarinnar klukkan eitt í dag var rædd sú staða sem komin er upp vegna aðgerða stjórnvalda í öðrum löndum vegna COVID-19 faraldursins.
Hafa ber í huga að Þýskaland telst nú til áhættusvæðis vegna smithættu samkvæmt skilgreiningu sóttvarnarlæknis og ber þeim búsettir eru á Íslandi að fara í sóttkví við komuna til Íslands.
Sjá einnig: Áhættumat hækkað fyrir Frakkland, Spán og Þýskaland