Íslensk kona var dæmd í þriggja mánaða fangelsi í Héraðsdómi Reykjavíkur á dögunum. Annars vegar var hún dæmd fyrir þjófnað og fjársvik en hins vegar fyrir fíkniefnalagabrot.
Þann 5. maí 2021 fór konan á bak við afgreiðsluborð verslunar og stal þaðan hliðartösku sem í voru Apple Airpods heyrnatól, sólgleraugu, bíllyklar og peningaveski með greiðslukortum; hún sveik síðan út vörur að verðmæti 1.900 krónum með notkun á greiðslukortum.
Þann 2.júní sama ár fór konan inn í starfsmannarými verslunar; rændi þaðan handtösku sem í voru bíllyklar, ökuskirteini og greiðslukort.
Kortið notaði hún til greiðslu á vörum að verðmæti 18.400 krónum.
Við öryggisleit á hinni dæmdu fann lögregla 79 stykki af Ritalin Uno. Seinna gerði lögregla húsleit hjá viðkomandi og fannst þar rúmt gramm af kannabisefnum. Við þriðju leit lögreglu fannst hálft gramm af kannabisefnum og ellefu stykki af lyfinu Contalgin.
Samkvæmt dómi á konan langan sakaferil að baki, allt frá árinu 2010.