Leiðtogafundur Evrópuráðsins verður haldinn á morgun og fimmtudaginn í Hörpu. Ljóst er að fundurinn mun hafa gríðarleg áhrif á miðbæ Reykjavíkur en íslenskir og erlendir lögreglumenn munu bera skotvopn. Þá verða leyniskyttur á húsþökum.
Á þriðja hundrað lögreglumenn hafa fengið sérstaka þjálfur í meðferð skotvopna vegna fundarins en 250 jakkaföt hafa verið keypt á lögreglumenn en þeir verð óeinkennisklæddir. Aldrei áður hefur viðbúnaður verið svo mikill fyrir fund hér á landi en samkvæmt upplýsingum frá dómsmálaráðuneytinu er kostnaðurinn vegna löggæslunnar um einn komma fjórir milljarðar króna.
Götum og svæðum á stórum hluta miðbæjarins verður lokað fyrir fólk á bílum sem og á rafmagnshlaupahjólum á meðan á fundinum stendur. Þá verður gangandi vegfarendum meinað að koma nálægt Hörpu. Bannað verður einnig að fljúga drónum á stóru svæði miðbæjarins og eftir Reykjanesbrautinni.
Alls hafa 44 þjóðarleiðtogar af 46 boðað komu sína á fundinn en enn er því haldið leyndu hvort Volodymyr Zelenskyy, forseti Úkraínu mæti á svæðið.