Spænska útvarpsstöðin Ser heldur því fram að tveir Íslendingar hafa verið lagðir inn á spítala á Torrevieja á Spáni vegna gruns um að hafa smitast af kórónaveirunni.
Um sé að ræða par, 66 ára gamla konu og 52 ára gamlan mann, sem voru í fríi á Alicante þegar annað þeirra fann fyrir vanlíðan, hita og hósta. Læknar hafi ákveðið að kanna hvort þau væru smituð af kórónaveirunni, eftir að í ljós kom að fólkið hafði verið í Wuhan í Kína. RÚV greinir frá þessu.
Ser fullyrðir að spænsk heilbrigðisyfirvöld hafi fullyrt að parið hafi verið lagt inn á spítala íTorrevieja en enn eigi eftir að koma í ljós hvort raunverulegt smit sé að ræða. Útvarpsstöðin segir að sýni hafi verið tekin úr fólkinu á spítalanum og send til Madridar til að fá staðfestingu á því.