Jódís Skúladóttir, þingmaður VG tók að sér götusópun á Fáskrúðsfirði í gær. Bæjarhátíðin Franskir dagar eru haldin hátíðleg þessa helgi á Fáskrúðsfirði.
Jódís Skúladóttir var kosin á þing í síðustu alþingiskosningum fyrir Vinstri græna en hún er fædd í Reykjavík en uppalin á Egilsstöðum. Hinsegin Austurland hefur aðstoðað skipuleggjendur Franskra daga undanfarið en Jódís er fyrrverandi formaður samtakanna. Þá fengu samtökin að vera hluti af setningarathöfn hátíðarinnar.
Jódís lét sig ekki muna um að munda sópinn við undirbúning hátíðarinnar eins og sjá má á ljósmynd sem hún birti á Facebook.
„Þingmaður kjördæmisins tekur að sér ólíklegustu verk. Götusópari á Fáskrúðsfirði í dag,“ skrifaði Jódís við ljósmyndina og lét fylgja með Pride fána og hlæjandi broskall.
Hægt er að skoða dagskrá hátíðarinnar hér.