Jökla lokar á Laugavegi

Deila

- Auglýsing -

Hönnunarverslunin Jökla á Laugavegi 90 lokar í lok maí, nánar tiltekið 29. maí.

„Það er þyngra en tárum taki að tilkynna þetta eftir 5,5 ára rekstur hönnunarsamstarfsins. Ástæðan er sú að leiguverðið á fallegu búðinni okkar á að fara að hækka gífurlega, sem við sjáum að við ráðum ekki við, hvað þá nú á þessum undarlegu og erfiðu tímum,“ segir í færslu á Facebook-síðu verslunarinnar.

„Fjöldi íslenskra listamanna og hönnuða tók þátt í verkefninu með okkur, þar af um 95% konur. Sumir listamannanna voru frá upphafi en aðrir af og til með hléum. Viljum við þakka bæði öllum þeim hæfileikaríku listamönnum, ásamt ykkur sem hafið stutt okkur, hvatt okkur áfram, verslað við okkur og mætt á fjöldan allan af viðburðum. Án ykkar hefði þetta aldrei verið hægt og við erum svo innilega þakklátar. Þrátt fyrir að Jökla loki og leiðir skilji að sinni, erum við hvergi nærri hættar að hanna, skapa og búa til okkar fjölbreyttu íslensku listvörur.“

Jökla verður opin í maí frá 12-17 á virkum dögum og 12-16 á laugardögum. Viðskiptavinir eru minntir á að nota inneignarnótur sínar fyrir lokun verslunarinnar.

Löng opnun verður laugardaginn 23. maí, þar sem búðin verður hvött með örlitlu lokahófi og léttum veitingum fram á kvöld.

- Advertisement -

Athugasemdir