Fimmtudagur 11. ágúst, 2022
8.8 C
Reykjavik

Jón Ásgeir og Ingibjörg þurfa ekki að borga krónu til Sýnar

Helgarviðtalið

- Auglýsing -

Orðrómur

- Auglýsing -

Hjónin Jón Ásgeir Jóhannesson og Ingibjörg Pálmadóttir voru sýknuð af kröfu Sýnar hf. í Héraðsdómi Reykjavíkur. Krafan hljóðaði upp á 1,6 milljarða króna og var lögð fram vegna samkeppnisákvæða í samningi milli 365 miðla og Sýnar. Vísir greinir frá þessu.

Ágreiningur milli aðila snerist um kaup Sýnar á meirihluta 365 miðla árið 2017, en kaupsamningurinn innihélt samkeppnisákvæði sem Sýn vildi meina að hafi verið brotið. Ákvæðið sneri að því að 365 miðlar mættu ekki hefja samkeppni við Sýn á sama markaði, að undanskildri útgáfu Fréttablaðsins. Fréttablaðið er nú undir Torgi, sem tók síðan yfir sjónvarpsstöðina Hringbraut, sem tengd var vefsíðu Fréttablaðsins. Deilt var um það hvort sú yfirtaka Torgs, með tengingu við vefsíðu Fréttablaðsins, hefði falið í sér brot gegn ofangreindum samkeppnisákvæðum.

Niðurstaða héraðsdóms fólst í því að ekki hafi verið brotið gegn ákvæðinu um samkeppnisbann með því að senda út hlaðvarp á vefsíðu Fréttablaðsins. Þau Ingibjörg og Jón Ásgeir voru sögð ekki bera ábyrgð á því, eftir sölu á rekstri Fréttablaðsins, að sjónvarpsefni Hringbrautar var tengt vefsíðu Fréttablaðsins.

Í viðskiptunum milli Sýnar og 365 miðla árið 2017 fólust meðal annars kaup á Stöð 2, Bylgjunni og Vísi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -