Fimmtudagur 8. desember, 2022
-5.2 C
Reykjavik

Jón Baldvin þögull um ásakanir Ingibjargar Sólrúnar: „Nei, hann er ekki í stuði til þess núna.“

Helgarviðtalið

- Auglýsing -

Orðrómur

- Auglýsing -

„Nei, hann er ekki í stuði til þess núna,“ segir Bryndís Schram, eiginkona Jóns Baldvins Hannibalssonar sem varð fyrir svörum þegar Mannlíf hafði samband og óskaði eftir að fá að ræða beint við fyrrum ráðherra. Hún útskýrir frekar: „Okkur líður ekki vel, eins og þú getur ímyndað þér.“

Stundin birti í síðustu viku ítarlegar dagbókarfærslur 15 ára stúlku í Hagaskóla sem lýstu sambandi hennar og gagnfræðiskólakennara, Jóns Baldvins Hannibaldssyni.

Ingibjörg Sólrún Gísladóttir fyrrverandi ráðherra skrifar á Facebook-síðu sína um Jón Baldvin, hennar fyrrum félaga í stjórnmálunum.

Þar gerir hún mál Jóns Baldvins Hannibalssonar að umtalsefni, en kveikjan að skrifum Ingibjargar Sólrúnar eru dagbókarfærslur Þóru Hreinsdóttur; fyrrum nemanda Jóns Baldvins Hannibalssonar í Melaskóla árið 1970, sem birtust í forsíðuúttekt Stundarinnar, en blaðið kom úr prentun fyrir helgi.

„Ég skrifa þetta vegna þess að Jón Baldvin Hannibalsson hefur aldrei viðurkennt misgjörðir sínar og enn láta margir þær sér í léttu rúmi liggja af því þeim finnst JBH hafa lagt svo margt að mörkum í íslenskri pólitík. Það kemur þessu máli hins vegar ekkert við og menn komast aldrei framhjá þeirri staðreynd að þann orðstír sem JBH ávann sér á hinum pólitíska vettvangi hefur hann sjálfur lítilsvirt með því að misbeita því valdi sem honum var falið gagnvart fjölmörgum unglingsstúlkum og konum. Þar er ekki öðrum um að kenna.“

 

- Auglýsing -

 

Jón Baldvin Hannibaldsson bíður nú eftir að mál sem höfðað var gegn honum verði tekið fyrir hjá Landsrétti. Í skriflegu svari Jón Baldvin Hannibaldssonar til Stundarinnar vegna fréttarinnar stendur: „Vera má, að tímasetningin eigi að skapa viðeigandi andrúmsloft kringum væntanlegt réttarhald fyrir Landsdómi í „rassstrokumálinu“ alræmda, þar sem ákæruvaldið freistar þess að hnekkja sýknudómi héraðsdóms.“

- Auglýsing -

Skrifar hann einnig í sama bréfi: „Eitt er víst: Ég fyrirlít sorpblaðamennsku af þessum toga og frábýð mér samskipti við mannorðsþjófa, sem þessa iðju stunda.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -