Eins og fjallað hefur verið um síðustu daga þá er fyrirhugað að vísa 300 hælisleitendum úr landi.
„Vegna þess að þú ert þá að fara að breyta reglum, fyrir einhvert ákveðið mengi af því fólki sem er að koma á þessum forsendum. Hvað ætlum við að gera þá við fólkið sem kemur á morgun? Eiga reglurnar þá að gilda um það eða eigum við að láta gömlu reglurnar gilda um það? Bara breyta reglunum fyrir þetta fólk og ekki aðra? Bara breyta þeim fyrir Grikkland en ekki fyrir þá sem fara til Ítalíu eða annarra landa?“ Sagði Jón.
Jón Gnarr skilur ekki alveg hvert nafni sinn er að fara með þessu viðtali og finnst hann vera að tala í kross.
Jón Gnarr segir í færslu sinni á twitter:
„merkilegt viðtal við Jón Gunnarsson. hann segir fyrst að við fylgjum sömu lögum og nágrannalönd en líka að hann hafi mælt fyrir nýjum lögum sem færi okkur á þann stað sem nágrannalöndin eru á“
Mikil andstaða hefur verið í samfélaginu vegna fyrirhugaðra brottflutninga. Svo virðist sem dómsmálaráðuneytið og almenningur séu ekki samstíga þegar kemur að þessum málaflokk og kannski þarf Jón Gunnarsson að skoða hvort að hann sé samstíga sér sjálfum?
merkilegt viðtal við Jón Gunnarsson. hann segir fyrst að við fylgjum sömu lögum og nágrannalönd en líka að hann hafi mælt fyrir nýjum lögum sem færi okkur á þann stað sem nágrannalöndin eru áhttps://t.co/ctdRDnYwYx
— Jon Gnarr (@Jon_Gnarr) May 24, 2022