Jóna Júlía Jónsdóttir lést þann 11. nóvember. Jóna Júlía var einstæð móðir og skilur eftir sig fjögur börn á aldrinum 12–25 ára og hefur sá elsti þeirra stofnað söfnunarreikning til að standa straum af kostnaði systkinanna vegna jarðarfarar móður þeirra.
„Hún elsku mamma okkar kvaddi okkur 11.11.19 síðastliðinn. Það er ekki hægt að lýsa því með orðum hvað það er erfitt,“ segir Arnar Freyr Elíasson, sem er 25 ára og elstur af systkinunum fjórum, sem eru nú móðurlaus.
„Hún mamma átti ekki mikið á milli handanna, en hún átti 4 æðisleg börn. Við eigum sjálf ekkert mikið á milli handana og við viljum kveðja hana mömmu okkar og jarða hana. Jarðarförin er ekki ódýr pakki sem við þurfum að takast á við.“
Móðir Jónu Júlíu, Helga Dóra Reinaldsdóttir lést fyrr á árinu, í mars, en hún var dóttur sinni og börnum hennar mikil hjálparhönd, segir Arnar Freyr í samtali við Mannlíf. „Mamma fór frá okkur allt of ung líka.“
„Við höfum stofnað söfnunarreikning til þess að fá smá hjálp með þennan erfiða áfanga,“ segir Arnar Freyr.
Fyrir þá sem vilja veita stuðning þá er reikningsnúmerið:
reikningsnúmerið – 0331-13-110038
kennitalan – 240594-3079