Jörð skelfur enn í Grindavík

Jarð­skjálfti af stærðinni 2,9 varð um þrjá kíló­metra norð­austur af Grinda­vík á níunda tímanum í gær­kvöldi. 34 skjálfar hafa mælst á svæðinu síðan á laugardag, en flestir þeirra mjög litlir. Íbúar í Grindavík urðu varir við skjálftann í gærkvöldi, eins og kemur fram á vef Veðurstofunnar.

Jarðskjálftahrina hefur staðið yfir við Grindavík síðustu mánuði, en virknina má rekja til kviku­inn­skots undir jarð­skorpunni með miðju rétt vestan við fjallið Þorbjörn, sem stendur í útjaðri bæjarins.