„Það er búið að vera þó nokkuð um útköll vegna kakkalakka. Síðasta hálfa árið, myndi ég segja, þá hefur það aukist töluvert. Ég var að koma frá Akureyri, út af kakkalökkum.“
Þetta segir Steinar Smári Guðbergsson meindýraeyðir en rætt var við hann í kvöldfréttum RÚV. Hann segir að kakkalakka ekki staðbundna á Íslandi, þá megi finna hvar sem er. Eins og í Vesturbænum, en þar var Steinar í útkalli vegna kakkalakka fyrr í dag.
„Þetta er ekki á sérstökum svæðum eða húsum eða hverfum eða neitt svoleiðis,“ sagði Steinar. Hann svarar því játandi spurður hvort kakkalakkar séu búnir að nema land. „Þeir eru komnir með annan fótinn inn,“ segir Steinar.
Hann segir kakkalakkar séu einu skordýrin sem hann viti til sem sækist í óþrifnað. Því sé besta vörnin að þrífa reglulega. Í fréttum RÚV kom fram að dæmi séu um að kakkalakkar hafi fundist í dyrasímum og fjarstýringum.