Fimmtudagur 28. mars, 2024
-4.2 C
Reykjavik

Kaldhæðin Magga Stína skýtur á Katrínu og Þórdísi: „Saman munum við láta þá hafa það óþvegið“

VefTv

- Auglýsing -

Hlaðvörp

- Auglýsing -

Söngkonan Margrét Kristín Blöndal eða Magga Stína eins og hún er gjarnan kölluð, skrifaði pistil á Vísi í gær þar sem hún dregur Katrínu Jakobsdóttur og Þórdísi Kolbrúnu Reykfjörð Gylfadóttur sundur og saman í háði vegna þátttöku þeirra á NATO-fundinum í Madríd.

Magga Stína beitir kaldhæðninni óspart út allan pistilinn, sem hún skýrir Heja!

„Mikið yljar það mér sem móður, dóttur og ömmu að sjá hve vel þær standa sig, konurnar okkar sem ég vil kalla svo og á þá að sjálfsögðu við okkar mæta forsætisráðherra Katrínu Jakobsdóttur og hennar vinkonu utanríkisráðherra, Þórdísi Kolbrúnu Reykfjörð Gylfadóttur, þar sem þær standa keikar og svo elegant í glæsilegum hópi helstu stríðsherra heimsins! Það er sko stórborgarbragur á okkar konum þessa dagana!“

Seinna í pistlinum þakkar Magga Stína NATO fyrir að auka útgjöld til hermála í heiminum.

„Í okkar þágu ætla þessir englar að auka stórlega útgjöld til hermála á öllum sínum vígstöðvum og í herliðum Evrópu skal fjölgað!

Ég segi takk. Ég segi takk, öll þið sem takið undir með kórnum. Ég segi takk öll sem leggið lið þeim málstað sem tætir í sundur “rétta drengi” og ég þakka fyrir hve sameinuð við erum, íslensk þjóð um það að liðka fyrir lengra stríði, stærra stríði við hinn eina sanna óvin! Ég þakka fyrir það hve átaklaust það hefur verið fyrir okkar fremstu, útvöldu eðalforingja að setja þetta stríð í „rétt“ samhengi. Saman munum við láta þá hafa það óþvegið og fórnum sonum og eiginmönnum og feðrum svo sannarlega fyrir þann málstað!“

- Auglýsing -

Lokaorð Möggu Stínu eru einnig löðrandi í kaldhæðni en hún talar um gleðibylgju sem hríslaðist um „okkur“ þegar innlimun Svía og Finna í NATO var tilkynnt.

„Við Íslendingar, Bandaríkjamenn, Tyrkir, Bretar, Ungverjar, Danir og öll hin stöndum sem aldrei fyrr, mótþróalaust loksins saman að stríðsrekstrinum! Það munar um svoleiðis, maður veit það alveg. Fundum við kannski ekki öll gleðibylgjuna hríslast um okkur þegar fregnirnar af innlimun Svía og Finna gekk í garð í gær? Þótt það hefði ekki verið fyrir annað en að Nato gerði okkur kleift að tala „dönsku“, á Spáni.“

Hægt er að lesa pistilinn í heild sinni á Vísi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -