Felix Bergsson kallar Davíð Oddsson, Pál Vilhjálmsson og fleiri „dreggjar samfélagsins“ í nýrri Facebook-færslu sem er tilkomin vegna skrifa Kristjáns Hreinssonar á Facebook þar sem skáldið talar um vitlaust fólk í réttum líkama.
Felix Bergsson kann að bíta frá sér eins og sannast í nýrri Facebook-færslu hans. Þar tekur hann upp hanskann fyrir transfólk sem hann segir að „búi við mikið óöryggi og hræðslu um tilveru sína vegna vaxandi andúðar í samfélaginu“ sem skapist einmitt vegna skrifa Davíðs Oddssonar og fleiri manna. Færsluna má lesa í heild sinni hér að neðan:
„þið sem eruð í því í yfirlætislegu umburðarlyndi að verja „málfrelsi“ manna eins og ritstjóra Morgunblaðsins, vinar hans menntaskólakennarans, skáldsins í Skerjafirði, Miðflokksmóra og annarra dreggja samfélagsins ættuð að prófa að setja ykkur í spor fólks sem er bara að reyna að komast í gegnum daginn eins og við hin en býr við mikið óöryggi og hræðslu um tilveru sína vegna vaxandi andúðar í samfélaginu. Andúðar og ofbeldis sem einmitt skapast vegna skrifa þessara manna og aðgangs þeirra að stórum miðlum til að spúa fáfræði sinni og hatri. Þetta er fullkomlega óþolandi“