- Auglýsing -
Karlmaður fannst látinn fyrir utan fjölbýlishús í Salahverfi í Kópavogi á sunnudagsmorgun.
Ævar Pálmi Pálmason, lögreglufulltrúi hjá lögreglunni á höfuðborgarsvæðinu, staðfestir atvikið í samtali við DV. Segir Ævar að líklega hafi verið um slys að ræða. Málið er til rannsóknar.
Samkvæmt heimildum DV virðist maðurinn hafa fallið til jarðar eftir að hafa verið að klifra utan á fjölbýlishúsinu aðfararnótt sunnudags. Mun maðurinn hafa dvalið í íbúð í húsinu og ætlað að dvelja þar um helgina.