2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Karlmanns leitað í Kópavogi í viðamikilli lögregluaðgerð – Réðst á 2 unglinga

Fjöldi lögreglumanna, þar á meðal sérsveit lögreglunnar leita karlmanns í Salahverfi í Kópavogi. Leitað er með aðstoð þyrlu og dróna.

Lögreglan á höfuðborgarsvæðinu hefur verið með mikinn viðbúnað í Örvasölum í Kópavogi og næsta nágrenni í kvöld eftir að tilkynning barst um mjög alvarlegt atvik þar sem ráðist var á tvo unglinga um sexleytið. Leit stendur yfir að manni vegna atviksins og er meðal annars notast við bæði sporhund og þyrlu Landhelgisgæslunnar. Maðurinn er talinn vera dökkklæddur, í hettupeysu og með sólgleraugu og grímu. Talið er mögulegt að hann hafi farið að Vífilsstaðavatni. Þeir sem kunna að hafa séð mann, sem lýsingin passar við, eru beðnir um að hafa samband við lögreglu í síma 112.

Karlmaðurinn mun hafa notað hníf við árásina samkvæmt heimildum Mannlífs og var 14 ára barn flutt á slysadeild, en er ekki í lífshættu.

Þyrlan á flugi yfir Salahverfi

AUGLÝSING


„Þetta er náttúrlega mjög alvarleg árás þannig að við erum búin að vera núna í tvo klukkutíma með marga lögreglumenn, hunda og dróna og þyrlu til að reyna að finna þennan meinta árásarmann,“ segir Ásgeir Ásgeirsson yfirlögregluþjónn í samtali við fréttastofu RÚV. Ásgeir segir lögreglu hafa lýsingu á viðkomandi en ekki miklar upplýsingar til viðbótar.

Í færslu á Facebook biður lögreglan húseigendur að fara yfir myndefni úr öryggismyndavélum á svæðinu og hafa strax samband í 112 ef mynd náðist af einstakling sem lýsingin passar við.

Lestu meira

Annað áhugavert efni

Nýjast á Mannlíf.is

Nýjast á Gestgjafanum