Miðvikudagur 10. ágúst, 2022
9.8 C
Reykjavik

Katrín biður um undanþágu frá lögum um hagsmunaárekstra vegna glæpasögu

Helgarviðtalið

- Auglýsing -

Orðrómur

- Auglýsing -

Katrín Jakobsdóttir, forsætisráðherra, hefur óskað eftir undanþágu frá lögum um varnir gegn hagsmunaárekstrum í Stjórnarráði Íslands í þeirri von að geta sinnt aukastarfi samhliða ráðherraembætti sínu. Lögin kveða á um að störf æðstu stjórnenda, sem og aðstoðarmanna ráðherra, séu full stöðugildi og óheimilt sé að sinna öðrum störfum samhliða þeim og tóku gildi í byrjun árs 2021. Kjarninn greinir frá þessu.

Katrín hefur óskað eftir undanþágunni til þess að skrifa glæpasögu. Bókina ætlar hún, fái hún til þess leyfi, að skrifa með Ragnari Jónassyni, metsöluhöfundi á sviði glæpasagna. Ekki er um að ræða nýja hugmynd, því eins og segir í grein Kjarnans greindi Ragnar sjálfur frá verkefninu í viðtali við breska dagblaðið The Times fyrir um ári.

Ráðuneyti Katrínar sjálfrar annast eftirlit með lögunum og því þarf hún að leggja ákvörðunina í hendur annars ráðherra, sem kemur þá til með að skera úr um það hvort beiðni Katrínar um undanþágu verði samþykkt. Bjarni Benediktsson, fjármálaráðherra, fékk málið í hendurnar á ríkisstjórnarfundi í morgun en ákvörðun hans liggur ekki fyrir.

Í lögum um varnir gegn hagsmunaárekstrum í Stjórnarráði Íslands segir að ráðherra sé heimilt að veita embættismönnum undanþágu vegna aukastarfa sem teljast til „mannúðarstarfa, kennslu- eða fræðistarfa, vísindarannsókna, listsköpunar eða annarra og tilfallandi starfa, svo fremi að það hafi ekki áhrif á störf viðkomandi í Stjórnarráði Íslands“. Laun vegna starfanna verða að teljast innan hóflegra marka, þótt engin sérstök upphæð eða viðmið sé tilgreint.

Afgreiða skal beiðni um slíka undanþágu innan við 30 dögum frá því að hún berst. Niðurstaða Bjarna ætti því að liggja fyrir innan tíðar, en ef marka má skilgreiningar á samþykktum starfssviðum verður að teljast líklegra en ekki að undanþágan verði veitt.

Kjarninn fjallar nánar um málið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -