Keppandi í Laugavegshlaupinu sóttur með þyrlu og fluttur á Borgarspítala

Þyrla Landhelgisgæslunnar þurfti að sækja keppanda í Laugavegshlaupinu á fjórða tímanum í dag.

Á vef RÚV kemur fram að keppandinn hafi veikst í miðju hlaupi og hafi verið sóttur að Emstrum og fluttur á Borgarspítala. Keppandinn er sagður með meðvitund og við ágæta heilsu núna en leið ekki nógu vel til þess að halda hlaupinu áfram, samkvæmt skipuleggjanda hlaupsins.