Þorsteinn Bergsson starfsmaður Matvælastofnunar segir í samtali við Austurfrétt að atvikið verði kært til lögreglu, enda sé um að ræða alvarlegt brot á dýravelferð.
Um helgina kom fram í fréttum að börn á Eskifirði hafi fundið dauða kettlinga í á sem rennur í gegnum miðjan bæinn. Eru taldar allar líkur á að dýrunum hafi verið drekkt.
Samkvæmt 45. grein í lögum um dýravelferð segir:
„Varði meint brot á lögum þessum bæði stjórnvaldssektum og refsingu metur Matvælastofnun hvort mál skuli kært til lögreglu eða því lokið með stjórnvaldsákvörðun hjá stofnuninni. Ef brot eru meiri háttar ber Matvælastofnun að vísa þeim til lögreglu. Brot telst meiri háttar ef verknaður er framinn með sérstaklega vítaverðum hætti eða við aðstæður sem auka mjög á saknæmi brotsins.“
Börn fundu dauða kettlinga á Eskifirði: „Þetta er ekkert nema dýraníð“