Í kvöld munu stöllurnar í Kitl koma saman á Kex með bráðfyndna uppistandssýningu. Mannlíf heyrði í einum grínistanum, Hildi Birnu Gunnarsdóttur.
„Við erum mjög ólíkar manneskjur en höfum allar þörf fyrir að gleðja fólk. Aðkoma okkar að gríni er ólík. Allar skoðum við lífið og tilveruna á mismunandi hátt. Bakgrunnur okkar er af öllum toga. Ein af okkur á haug af börnum og ein er með fullt hús af hundum. Ein er alvöru lögfræðingur, ein er alvöru rithöfundur ein er alvöru kvikmyndagerðarkona og ein er verkstjóri … stórmerkileg blanda. Grín er eitthvað sem er nauðsynlegt í lífinu, og flest sem við lendum í er pínu fyndið svona í baksýnisspeglinum. Til dæmis er mjög fyndið að það fari svo lítið fyrir manni að maður gleymist eða að eldast og verða miðaldra KONAN. Pælingar í skömminni og allt þar á milli.“
Uppistandið byrjar klukkan 20:30 á Kex hostel í kvöld.