Íbúi í Hlíðunum hringdi á lögreglu í gær vegna manns sem hafði ráfað óvelkominn inn í hús. Maðurinn var í annarlegu ástandi og vísaði lögregla honum á brott. Nokkru síðar voru tveir aðilar handteknir í sama hverfi vegna innbrots og þjófnaðar. Í Laugardalnum hafði lögregla afskipti af ölvuðum manni sem svaf í bifreið sinni. Maðurinn fullvissaði lögreglu um að hann hafi aðeins lagt sig í bílnum en ekki ekið honum.
Í Breiðholti brá íbúa heldur betur í brún þegar hann kom að íbúð sinni í rúst. Brotst hafði verið inn í íbúðina og framin eignarspjöll. Samkvæmt dagbók lögreglu er gerandi ókunnur. Slökkvilið var kallað út í Grafarvogi vegna elds í kofa. Slökkviliðsmenn náðu fljótt tökum á eldinum en grunur er að um íkveikju hafði verið að ræða. Gerand er ókunnur. Þá sinnti lögregla reglubundnu umerðareftirliti og stöðvaði nokkra ökumenn sem grunaðir eru um akstur undir áhrifu áfengis eða fíkniefna.