Miðvikudagur 29. júní, 2022
12.8 C
Reykjavik

Kommentin krufin – Guðrún ræðst á Eddu Falak: „Hún er náttúrulega vinkona ykkar“

Helgarviðtalið

- Auglýsing -

Orðrómur

- Auglýsing -

Guðrún Ágústa Ágústsdóttir, þerapisti og sáttamiðlari, sakar hlaðvarpsstjórnandann Eddu Falak um að bjóta á börnum, í færslu sem hún skrifar á Facebook. Færslan er deilitexti með frétt þar sem Edda er sögð njóta lífsins í Róm og vitnað í hana þar sem hún segir í glettni: „Kem aldrei aftur til Íslands.“

„Frábærar fréttir, enda ertu búin að leggja líf margra í rúst með rógburði og lygum,“ skrifar Guðrún Ágústa. Hún segir ennfremur að Edda viti upp á sig sökina, sé óvönduð og hafi ljótt innræti. Hún endar færsluna á eftirfarandi orðum: „Einn daginn verða börnin sem þú hefur brotið á stór… Farðu og komdu aldrei til baka!!!“

Skjáskot af færslu Guðrúnar Ágústu.

Blaðamaður Mannlífs hafði samband við Guðrúnu Ágústu til þess að spyrja hana út í ummælin, einkum og sér í lagi þau sem snúa að brotum gegn börnum.

Fjallað var um Guðrúnu Ágústu fyrr á árinu í tengslum við meint trúnaðarbrot í starfi, þar sem hún nafngreindi móður barns, sem var skjólstæðingur hennar, í samtali við utanaðkomandi aðila.

„Spurðu bara Eddu Falak sjálfa, hverjir voru að senda henni skilaboð til dæmis og fá hana til þess að hætta að fjalla um meðal annars mig,“ segir Guðrún Ágústa í samtali við blaðamann.

Ertu að tala um börn þarna?

- Auglýsing -

„Meðal annars.“

Þú segir hérna beint að hún hafi brotið á börnum. Það er auðvitað stórmál.

„Já, auðvitað er það stórmál. En þið hafið nú ekki haft áhuga fyrir því hingað til.“

- Auglýsing -

Aðspurð hvað nákvæmlega hún ætti við með þessari ásökun hélt Guðrún Ágústa áfram á svipuðum nótum. „Hún veit það sjálf. Hún Edda getur bara svarað þessu sjálf. Hringdu bara í hana, hún er náttúrulega vinkona ykkar. Þið þekkist allar, þetta er eitthvað „crowd“ þarna og þið eruð bara í því að eyðileggja líf fólks.“

Guðrún Ágústa vildi ekki tjá sig nánar um ásakanir sínar í garð Eddu Falak um brot gegn börnum, þrátt fyrir ítrekaðar spurningar blaðamanns.

Vert er að taka fram að engin tengsl eru milli blaðamanna Mannlífs og Eddu Falak.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -