Kristín Birna er látin

Fyrr­ver­andi Íslands­meist­ari í akst­urs­í­þróttum, Kristín Birna Garð­ars­dóttir, lést á Landa­koti 1. jan­úar síð­ast­lið­inn, af völdum Alzheimer, 62 ára að aldri.

Kristín fædd­ist 25. ágúst 1962 en for­eldrar hennar eru Anna María Samsted og Garðar Guð­munds­son. Systur hennar eru þær Kamilla Björk, Linda og Lilja.

Það var á Sel­tjarn­ar­nes­inu sem Kristín ólst upp en seinna bjó hún í Reykja­vík en síð­ustu árin bjó hún í Mos­fells­dal með fjöl­skyldu sinni.

Starfaði hún meðal ann­ars í versl­un­inni Virkni í Ármúla, Litaveri og seinna sem skrif­stofu­stjóri á fast­eigna­söl­unum Remax Bæ, Remax Lind og Fast­eigna­söl­unni Bæ í Kópavogi.

Með sanni má segja að Kristín sé goð­sögn í akst­urs­í­þróttum en aðeins 16 ára eign­að­ist hún mótókross­hjól og varð fyrsta konan á Íslandi til að keppa í mótókrossi. Árin 1979 til 1986 keppti hún í Íslands­meist­ara­keppnum í íþrótt­inni en hætti þegar hún eign­að­ist fyrsta barnið sitt.

Sumarið 1986 gerði hún sér þó lítið fyrir og tók þátt í rallýkrossi á bíl sem hún hafði fengið lán­aðan hjá vini sínum og varð þannig fyrsta konan til að keppa í íþrótt­inni. Árið 1990 eign­að­ist Kristín sinn eigin bíl og varð Íslands­meist­ari í rallakstri þrjú ár í röð. Í eitt skipti keppti hún ólétt af öðru barni sínu en hún var þá komin fjóra mán­uði á leið.

Þá tók hún einnig þátt í tor­færu­keppni sum­arið 1990 á sér­út­búnum bíl og varð þannig fyrsta konan til þess að keppa í þeirri íþrótt. Hafnaði hún í 7. sæti. Aukreitis keppti Kristín í sparakstri, braut­ar­keppnum, kvartmílu, öku­leikni og svo fram­vegis. Í sjö ár sat hún í stjórn Vél­hjóla­í­þrótta­klúbbs­ins.

Ekki hafði Kristín aðeins óþreyt­andi áhuga á akstri á bílum og vél­hjólum heldur einnig á flugi. Hún fór í flug­nám árið 1977 ásamt manni sínum og tók einka­flug­manns­próf árið 1980. Kristín átti hlut í tveimur flug­vélum.

Lætur Kristín eftir sig maka sinn, Guðberg Guð­bergs­son en þau kynnt­ust árið 1977 og bjuggu saman í 47 ár en þau áttu sam­eig­in­legt áhuga­mál í flug­inu og akst­urs­í­þrótt­unum. Börn þeirra eru Anna Björk og Viktor og eru barna­börnin fjögur.

Útför Krist­ín­ar Birnu fer fram mánu­dag­inn 13. janú­ar kl. 13 frá Grafar­vogs­kirkju.

Mbl.is sagði frá and­lát­inu.