Lækna-Tómas fór í hvalaskoðun á sterum: „Einhver eftirminnilegasti dagur ævi minnar“

Tómas Guð­bjarts­son hjarta­skurð­læknir segir á Facebook að sú upp­lifun að synda með hnúfu­bökum sé engu lík. Það gerði hann nýlega og seg­ist hann ekki muna gleyma þeirri upp­lifun í bráð.

„Í sumar hafa þrir hnúfu­bakar glatt okkur í Arn­ar­firði. Í gær var svarta­logn á firð­inum og engin inn­lögn – og því kjörað­stæður að stinga sér til sunds með þessum kon­ungum sjáv­ar­ins. Við sigldum á bát Gumma & Fríðu á Bíldudal en líka á smá­bát góðs vinar, Gísla Ægis á Vega­mótum. Með í för var rann­sókn­arteymi mitt, 10 nemar,“ lýsir Tómas.

„Hnúfu­bak­arnir þrír glöddu okkur í næstum 2 klst. og við Sigurður Ingi tókum fjóra sund­túra í svölum sjónum. Í einu til­viki synti ég bók­staf­lega ofan á einum þeirra og fann fyrir gus­unum af bægsl­inu. Það liðu ca. 4 mín­útur á milli þess sem hval­irnir sýndu sig – og þá tóku Gísli Ægir og Sigurður Ingi lagið – meðal ann­ars Kátir voru karla og Hafið og landið með Fjalla­bræðrum. Tala um hvala­skoðun á sterum. Einhver eft­ir­minni­leg­asti dagur ævi minnar – og örugg­lega hinna líka.“