Miðvikudagur 29. júní, 2022
13.8 C
Reykjavik

Lækna-Tómas hraunar yfir Möggu Frikka: „Fallhlífastökk án fallhlífar er dauðans alvara“

Helgarviðtalið

- Auglýsing -

Orðrómur

- Auglýsing -

Hjartaskurðlæknirinn Tómas Guðbjartsson á varla orð yfir vitleysunni í Margréti Friðriksdóttur, baráttukonu gegn sóttvarnaraðgerðum og bólusetningum hér á landi. Hann segir hana á leið í einhvers konar harakiri-leiðangur sem stofni ekki aðeins hennar lífi í hættu heldur margra annarra.

Skoðun sinni lýsir Tómas í nýlegri færslu á Facebook en tilefni skrifanna er sú staðreynd að Margrét hefur skráð sig í alþjóðlega samanburðarrannsókn þar sem reynt verður að finna út hvor hópurinn er betur varður gegn kórónuveirunni, bólusettir eða óbólusettir. Varla þarf að taka það fram að Margrét tilheyrir síðari samanburðarhópnum enda hefur hún lengi talað gegn bólusetningum hér á landi gegn veirunni skæðu.

Sjá einnig:

Margrét Friðriks komin í alþjóðarannsókn óbólusettra: „Hlakka til að sjá niðurstöðuna“

Til að berjast gegn sóttvarnaraðgerðum og bólusetningunum stofnaði Margrét vefsvæðið frettin.is sem á dögunum hlaut skráningu sem fjölmiðill. Í færslu á Facebook tilkynnti hún um rannsóknina sem hún tekur nú þátt í og samkvæmt henni má hún alls ekki láta bólusetja sig gegn Covid-19.

Tómasi líst afar illa á þetta nýjasta verkefni Margrétar, eins og sjá má á færslu læknisins:

- Auglýsing -

„Fallhlífastökk án fallhlífar er dauðans alvara.

Það er ótrúlegt að sjá ungt fólk taka þátt í bullrannsókn þar sem bera á saman veikindi bólusettra og óbólusettra við Covid-19. Niðurstaðan er álíka augljós og ef borið væri saman hvort fallhlífar fyrirbyggi dauða eða ekki þegar stokkið er út úr flugvél í mikilli hæð. Reyndar hefur aldrei verið gerð slembuð samanburðarrannsókn á notagildi fallhlífa til að fyrirbyggja dauða við fallhlífastökk – enda erfitt að finna fólk í samanburðarhóp.
Sumir óbólusettir virðast hins vegar lemja hausnum við steininn og bjóða sig fram í einhvers konar harakiri; tilraun þar sem þeir stofna ekki aðeins eigin heilsu í voða – heldur einnig velferð annarra. Ólíkt fallhlífum, liggja hins vegar fyrir mjög vandaðar rannsóknir á jákvæðum áhrifum bólusetninga við Covid-19. Því miður hlakka ég ekki til að sjá niðurstöðuna úr þessu fallhlífausa fallhlífastökki.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -