Alexandra Briem lætur fordómafulla fávita heyra það.

Borgarfulltrúi Pírata, Alexandra Briem, skrifaði í dag færslu á Facebook sem snert hefur strengi margra en þegar þetta er skrifað hafa yfir hundrað manns líkað við hana. Umfjöllunarefni Alexöndru eru fordómar gagnvart trans fólki en sjálf er hún trans kona. Segist hún ekki mæla með því að tilheyra minnihlutahópi sem „bjánar úti í heimi“ herja á og „hópur fávita“ eyða miklum tíma í að búa til lygar um.

Færsluna má lesa hér:

„Ef þið hafið aldrei prófað að tilheyra þeim minnihlutahóp sem einhverjir bjánar úti í heimi hafa ákveðið að menningarstríðið skuli snúast um, þar sem allt í einu allir þurfa að hafa skoðun á þér, hvað þú sért, hvað sé í gangi í kollinum á þér, hvað þú sért með í buxunum, hvort þú megir stunda íþróttir, hvort það að þú segir frá því hvað það sé að vera þú ætti að flokkast sem kynferðisbrot, hvort það að segja ekki frá því hvað þú ert sé óheiðarlegt, hvort þú ættir yfir höfuð að fá að vera til, þar sem hópur fávita eyðir löngum tíma í að búa til fáránlegar lygar um þig til að snúa fólki gegn þér, þá mæli ég ekkert sérstaklega með því.“

Eins og áður segir hefur færsla Alexöndru snert strengi hjá mörgum en einn af þeim sýnir henni stuðning er Dagur B. Eggertsson, þingmaður og fyrrverandi borgarstjóri Reykjavíkur:

„Sendi þér mína hlýjustu strauma og stuðning kæra Alexandra!“