Leigubílsstjórar trufla ríkisstjórnina með bílflauti – Lögreglan lokar umferðinni

Mótmæli standa yfir við Ráðherrabústaðnum í Tjarnargötu í Reykjavík en þar mótmæla leigubílsstjórar.

Samkvæmt frétt Rúv hefur lögreglan nú lokað fyrir umferð að Ráðherrabústaðnum en leigubílstjórar hafa í morgun hringsólað um götur í nágrenni bústaðarins og legið á flautunni. Þannig hafa þeir látið í ljós óánægju sína vegna frumvarps innviðaráðherra um breytingar í starfsumhverfi leigubílaþjónustu í landinu. Eru þeim breytingum ætlað að draga úr samkeppnishömlum á leigubílamarkaði.

Reglubundinn fundur ríkisstjórnarinnar stendur nú yfir í Ráðherrabústaðnum.