Leikmaður Skallagríms sakaður um kynþáttafordóma

Deila

- Auglýsing -

Leikmaður Skallagríms er sagður hafa kallað leikmann Berserkja apakött og sagt honum að drullast heim til Namibíu.

„Árið er 2020 og leikmaður Skallagríms lét rasísk ummæli falla í garð leikmanns Berserkja í kvöld,“ tísti Viktor Hugi Henttinen, aðstoðarþjálfari Berserkja, eftir leik Berserkja og Skallagríms í gærkvöldi.

Rætt er við Viktor á fótbolti.net þar sem hann lýsir því hvernig einn leikmanna Berserkja varð fyrir kynþáttafordómum í viðureigninni gegn Skallagrími í fjórðu deild karla í fótbolta, en leiknum lauk með sigri Skallagríms, 2-0. Segist Viktor hafa verið „á hliðarlínunni og var því ekki í hitanum en það sem strákarnir segja mér og vinir okkar í Skallagrími eru sammála okkur þá varð smá hiti og einhverjar tæklingar,“ segir Viktor á fótbolti.is. „Í kjölfarið snýr leikmaður númer fimmtán í Skallagrími sér við og segir: Drullastu heim til Namibíu, við Gunnar Jökul Johns, leikmann okkar.“ Áður hafi sami leikmaður kallað Gunnar „apakött“.

Í fyrrnefndu tísti kveðst Viktor vonast til þess að aganefnd haldi sínu striki og dæmir menn í löng bönn vegna þessarar hegðunar.

Fótbolta.net segist hafa heimildir fyrir því mikil fundarhöld hafi verið í dómaraherberginu eftir leikinn. Leikmaður númer fimmtán var tekinn af velli á 55. mínútu, strax eftir seinna atvikið.

- Advertisement -

Athugasemdir