Í vikunni hófst ný og glæsileg herferð Ljósavina. Heiti herferðarinnar Lífið í nýju ljósi vísar í þegar veruleika fólks er snúið á hvolf, þá eru það hversdagslegu hlutirnir sem margir sakna. Því má segja að einstaklingar sem greinast með krabbamein sjái lífið í nýju ljósi.
Ljósið býður upp á endurgjaldslausa endurhæfingu fyrir krabbmeinsgreindra. Starfsemi Ljóssins fer stöðugt vaxandi, en á milli 2020 og 2021 jókst fjöldi þjónustuþega um 24%. Sú mikla aukning veldur því að þrengra er um alla starfsemi í húsakynnum Ljóssins, og þörfin fyrir stærra húsnæði fyrir endurhæfinguna mikil.
Frú Eliza Reid er verndari herferðarinnar og ýtti henni úr vör í notalegum viðburði í húsnæði Ljóssins. Húsfyllir var í Ljósinu á viðburðinum, en meðal gesta voru þátttakendur herferðarinnar sem deila af einlægni krabbameinsvegferð sinni. Tónlistarkonan Una Torfa koma og söng nokkur lög við tilefnið.
Markmið verkefnisins er að eignast enn fleiri mánaðarlega vini til að styðja við starf Ljóssins. Þörfin er sannarlega til staðar enda húsakostur Ljóssins orðinn afar þröngur.
Ljósavinir eru mánaðarlegir stuðningsaðilar Ljóssins og gera þeir Ljósinu kleift að bjóða upp á endurgjaldslausa endurhæfingu krabbameinsgreindra.
Til að gerast ljósavinur ferðu á síðuna www.ljosid.is/ljosavinur
Hér að neðan má sjá ljósmyndir frá athöfninni.
