- Auglýsing -
Rannsókn Lögreglunnar á höfuðborgarsvæðinu á líkamsárás í Hamraborg í Kópavogi í þar síðustu viku, en þar veittist hópur unglingspilta að pilti á líku reki, miðar mjög vel.
Samkvæmt tilkynningu frá lögreglunni hafa margir verið kallaðir til vegna rannsóknarinnar, en um grófa líkamsárás var að ræða .
Vegna umfjöllunar um málið í fjölmiðlum og á samfélagsmiðlum vill lögreglan taka fram að rannsókn hennar hefur leitt í ljós að árásin tengdist ekki kynþætti brotaþola. Því er ekki um hatursglæp að ræða svo því sé haldið til haga, eins og segir í tilkynningunni.
Ekki er hægt að veita frekari upplýsingar um rannsóknina, en málið er unnið með aðkomu barnaverndaryfirvalda.