Lilja nokkur er svekkt eftir að fyrirtækið Reykjavík Design reyndi að svindla á henni um helgina, allt í nafni „Black Friday“ afsláttarhelgar hjá fyrirtækinu. Hún hafði augastað á fallegum viðarskúlptúr sem auglýstur var á 20 prósenta afslætti um helgina. Lilja hafði hins vegar skoðað sama skúlptúr fyrr í mánuðnum og þá var verkið ódýrara en með auglýstum afslætti nú.
Búðin hefur því augljóslega hækkað verðið skömmu fyrir „Black Friday“ og þegar afsláttur var settur á dugði það ekki til að ná fyrr verði. Lilja segir frá í fjölmennum hópi Íslendinga á Facebook, Verslun á netinu.
„Var að skoða þessa krumma 14. nóvember. Svo kosta þeir í dag meira á 20 % afslætti. Ótrúlegt hvað sum fyrirtæki eru að svindla á þessum afslættardögum.“
Fjölmargir meðlimir tjá sig undir færslu Lilju og flestir þeirra eru ósáttir við verslunina vegna viðskiptaháttanna. Þyrí er ein þeirra. „Ömurlegt, tilkynna til neytendastofu,“ segir Þyrí ákveðin. Herdís er heldur ekki sátt. „Íslenskur afsláttur í hnotskurn,“ segir hún.
„Æ hvað þetta er sorglegt,“ segir Vala og Selja tekur í sama streng:
