Sunnudagur 2. október, 2022
7.8 C
Reykjavik

„Listafólkið okkar hefur vandað sig við að strjúka þessum ketti rétt og fá kattahlandið í andlitið“

Helgarviðtalið

- Auglýsing -

Orðrómur

- Auglýsing -

Jakob Bjarnar Grétarsson, blaðamaður á Vísi, segir að íslenskir listamenn geti sjálfum sér um kennt fyrir harðan dóm Nínu Hjálmarsdóttur sem birtist á RÚV. Nína slátraði söngleiknum Sem á himni, sem er sýndur í Þjóðleikhúsinu, og sagði mikla fordóma gagnvart fötluðum birtast í verkinu. Meðal annars er fatlaður maður látinn pissa á sig, áhorfendum til gamans.

Sjá einnig: RÚV slátrar leikriti í Þjóðleikhúsinu: „Niðurlægir minnihlutahópa og gerir lítið úr landsbyggðinni“

Jakob telur gagnrýnina vera rétttrúnað af verstu gerð. „Skemmtilegt, eða þannig. Það verður að segjast að lista- og menningarfólk hefur galopnað dyrnar fyrir einmitt þessari nálgun. Það hefur á öllum póstum lagt sig í framkróka við að mála sig upp sem bókstafstrúarfólk í rétttrúnaði. Aldrei ljáð máls á öðru og brugðist ókvæða við þegar á hefur verið bent að það sé ekki listarinnar að draga einhverja ismavagna,“ segir Jakob.

Hann segir listamenn hafa hingað til stutt þessa stefnu. „Að ef ekki sé túlkunarrými þá sé um eitthvað allt annað en list að ræða. En, nei. Listafólkið okkar hefur vandað sig við að strjúka þessum ketti rétt og fá kattahlandið í andlitið sjálf. En þannig virkar þetta nú, og maður myndi segja mátulegt á blessað fólkið ef fjöreggið listir og menning væri einkamál þess.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -