Lögreglan kom að manni sem svaf ölvunarsvefni í fjölbýlishúsi í Reykjavík

Einn var handtekinn grunaður um sölu fíkniefna í miðbænum og nokkrir grunaðir um akstur undir áhrifum fíkniefna í miðbænum í nótt. Þá var maður handtekinn grunaður um líkamsárás, hann var vistaður í fangaklefa og þótti með öllu óviðræðuhæfur.

Lögreglan hafði afskipti af manni sem svaf ölvunarsvefni í stigagangi fjölbýlishúss. Manninum var komið í skjól í úrræði Reukjavíkurborgar og fékk þar gistingu.

Í Hafnarfirði var lögreglan kölluð út vegna umferðaóhapps en maður hafði keyrt bifreið sinni á staur, hann reyndist einnig mjög ölvaður.

Eldur kviknaði í íbúð í Kópavogi, engin slys urðu á fólki en einhverjar skemmdir á húsnæðinu.