Lögreglan á Suðurlandi gerir kröfu um að bræðurnir á Selfossi verði úrskurðaðir í gæsluvarðhald í tengslum við andlát konu á þrítugsaldri sem fannst látin í heimahúsi á Selfossi í gær.
Samkvæmt heimildum Mannlífs taldi lögmaður bræðranna líklegt að þeim yrði sleppt í dag en annað hefur komið á daginn. Lögreglan á Suðurlandi sendi frá sér eftirfarandi yfirlýsingu:
„Vegna rannsóknar á andláti konu á þrítugsaldri sem fannst látin í heimahúsi á Selfossi síðdegis í gær hefur lögreglan á Suðurlandi gert kröfu fyrir Héraðsdómi Suðurlands um að tveir karlmenn sem handteknir voru á vettvangi í gær verði úrskurðaðir í gæsluvarðhald í eina viku.
Mennirnir eru báðir á þrítugsaldri. Grunur er um að andlát konunnar hafi borið að með saknæmum hætti. Rannsókn málsins er á viðkvæmu stigi. Vegna rannsóknarhagsmuna getur lögregla ekki veitt frekari upplýsingar um málið.“