Lögreglan skoðar tengsl hins látna við árásarmanninn:„Erum ekki komin svona langt í upplýsingagjöf“

Maðurinn sem lést í aust­urbæ Reykja­víkur í gær­kvöldi er grun­aður um að hafa lát­ist vegna bar­smíða.

Sjá einnig: Grunur um morð í aust­urbæ Reykja­víkur – Karl­maður á þrí­tugs­aldri hand­tek­inn

Maður á þrí­tugs­aldri var hand­tek­inn í gær­kvöldi, grun­aður um að hafa orðið manni á fimm­tugs­aldri að bana í aust­urbæ Reykja­víkur. Er talið að mað­ur­inn hafi notað bar­efli við verkn­að­inn. Samkvæmt heim­ildum Rúv er hinn grun­aði fæddur árið 2001.

Samkvæmt lög­reglu barst til­kynn­ing um and­látið um klukkan 19:30 í gær­kvöld en talið er að mað­ur­inn hafi lát­ist stuttu áður eða um „kvöld­mat­ar­leitið“ líkt og segir í til­kynn­ingu lög­reglu.

Hinn látni þekkti líklega árásarmanninn

Rannsókn miðar ágæt­lega sam­kvæmt Margeiri Sveins­syni, aðstoð­ar­yf­ir­lög­reglu­þjóni en Mannlíf ræddi við hann rétt í þessu. „Við erum bara í þess­ari vinnu að ræða við vitni og svona vett­vangs­vinnu.“ Aðspurður um nákvæma stað­setn­ingu vildi Margeir ekki segja annað en að þetta hafi gerst í aust­ur­borg­inni „Við eigum eftir að til­kynna ætt­ingjum frá þessu og fleira þannig að við erum ekki komin svona langt í upp­lýs­inga­gjöf.“

Er Mannlíf spurði Margeir hvort menn­irnir hafi þekkst taldi hann svo vera en vildi lítið segja meira: „Eitthvað vænti ég en veistu þetta er eitt­hvað sem við erum að skoða.“ Ekki vildi Margeir segja neitt um það hvort morð­vopnið hefði fund­ist.