Lýst er eftir Ripp Traustasyni. Sást hann síðast steypast fram af þaki Ísólar ehf.
Ripp um mánaðargamall en hann sást síðast þann 7. júní á bílaplani í nágrenni Kvikmyndaskóla Íslands eftir að hafa verið ýtt fram af þaki Ísólar ehf í Ármúlanum en þar býr hann. Sá sem ýtti honum fram af er faðir hans, tjaldurinn Trausti en var hann að reyna að kenna Ripp að fljúga. Það tókst ekki.
Sást Ripp síðast á vappi á bílaplaninu í nágrenni Kvikmyndaskóla Íslands en þar lenti hann í stað þess að lenda á bílaplani Ísólar eins og aðrir ungar Trausta og Tryggvínu hafa gert í gegnum áratugina. Hafði hann farið inn í verslun þar en gleymdi sennilega korti sínu því hann var sendur aftur út.
Ripp er með svart bak og koll en hvíta bringu. Þá er hann með appelsínugulan, langan gogg og langar appelsíugular lappir.
Blaðamenn Mannlífs leituðu hans í gær án árangurs. Er fólk beðið um að senda tölvupóst á [email protected] ef það verður vart við ungan tjald í Ármúlanum eða nágrenni.
Sjá einnig: Ripp í uppreisn og farinn að heiman: Skellti sér í verslunarferð