- Auglýsing -
Laust fyrir klukkan 11 í morgun var sérsveitin kölluð út í Reykjanesbæ vegna manns sem gekk þar um vopnaður öxi. Lögreglan á Suðurnesjum handtók manninn hins vegar áður en sérsveitin kom á vettvang. Þetta kemur fram á vef RÚV.
Fram kemur að maðurinn hafi ekki valdið öðrum skaða eða eignaspjöllum. Hann var handtekinn og færður til vistar í fangaklefa, þar sem hann bíður nú yfirheyrslu lögreglu vegna málsins.