- Auglýsing -
Sigurður Darri Björnsson, 23 ára, lést í snjóflóði sem féll við Móskarðshnjúka um hádegisbil í gær. Hann var fluttur á Landspítalann til aðhlynningar, en var úrskurðaður látinn eftir að þangað var komið.
Sigurður Darri var ásamt tveimur mönnum á svæðinu þegar snjóflóðið fékk laust eftir hádegi. Hann grófst undir flóðinu og fannst á þriðja tímanum í gær eftir leitaraðgerðir og var fluttur á Landspítalann með þyrlu Landhelgisgæslunnar.
Mennirnir tveir sem voru með honum voru fluttir með minniháttar áverka með sjúkrabíl á Landspítalann.
Slökkvilið, lögregla og björgunarsveitir voru kallaðar út og voru fyrstu viðbragðsaðilar komnir á vettvang um eitt leytið, en alls komu tæplega hundrað manns að björgunaraðgerðunum.