Miðvikudagur 27. mars, 2024
2.8 C
Reykjavik

Magga Frikka náði loksins að smitast af Covid: „Ég var eiginlega búin að gefast upp“

VefTv

- Auglýsing -

Hlaðvörp

- Auglýsing -

Baráttukonan og ritstýran Margrét Friðriksdóttir náði loksins að smita sjálfa sig af Covid-19 en hún hefur síðustu daga verið að reyna að smitast en illa gengið. Yngri dóttir hennar er smituð og hefur Margét reynt allt til að smitast af dóttur sinni, en án árangurs.

„Covid hefur nú yfirtekið heimilið og ég náði loks að smitast en það hefur komið skýrt fram hjá mér að ég vildi fá náttúrulega mótefnið sem er best og nú er ónæmiskerfið að vinna á veikindunum. Þetta tók sinn tíma og var ég eiginlega búin að gefast upp á því að reyna smitast og farin að sætta mig við að ég myndi sennilega ekki ná því. Ég gat varla verið útsettari fyrir veirunni hér á heimilinu með tvo Covid smitaða, en það tókst að lokum,“ segir Margrét í færslu á Facebook.

Sjá einnig: 

Dóttir Möggu Frikka smituð af Covid: „Ég er búin að reyna að smitast en ekkert gengur“

Margrét fullyrðir að hún geti ekki smitað aðra af Covid-19 því hún sé sjálf ónæm fyrir sjúkdómnum. „Ég er greinilega ein af þeim. Þetta þýðir ef ég get ekki smitast þá get ég heldur ekki smitað útfrá mér,“ segir Margrét.

Í samtali við Mannlíf lýsti Margrét aðferðum sínum við að reyna að smitast af Covid af dætrum sínum. „Merkilegast er að ég er búin að bera reyna smitast en ekkert gengur og eldri stelpan mín smitast ekki heldur, erum allar óbólusettar. Ég er einmitt búin að vera drekka úr glasinu hennar og láta hana anda ofan í mig en ekkert gengur,“ sagði hún.

- Auglýsing -

Sjá einnig:

Magga Frikka sannfærð um að geta ekki smitað aðra: „Ég er greinilega ein af þeim“

Margrét hefur skráð sig í alþjóðlega samanburðarrannsókn þar sem reynt verður að finna út hvor hópurinn er betur varður gegn kórónuveirunni, bólusettir eða óbólusettir. Varla þarf að taka það fram að Margrét tilheyrir síðari samanburðarhópnum enda hefur hún lengi talað gegn bólusetningum hér á landi gegn veirunni skæðu.

- Auglýsing -

Til að berjast gegn sóttvarnaraðgerðum og bólusetningunum stofnaði Margrét vefsvæðið frettin.is sem á dögunum hlaut skráningu sem fjölmiðill. Hún tekur nú þátt í þessari alþjóðlegu rannsókn og samkvæmt henni má hún alls ekki láta bólusetja sig gegn Covid-19.

Í nýjustu færslu sinni lýsir Margrét því hvernig henni leið eftir að hafa loksins náð sér í Covid-19. Við skulum gefa henni orðið aftur:

„Það var á föstudagskvöldið sem mér fór að líða skringilega, var mjög kalt og fór því í heitt bað en þrátt fyrir það var mér enn kalt og drakk því þrjá bolla af heitu sítrónutei. En allt kom fyrir ekki, ég var að krókna úr kulda. Klæddi mig í hlý föt, því mig grunaði að ég væri komin með veiruna. Þegar ég vaknaði um morguninn fann ég fyrir hálsbólgu og höfuðverk og ákvað því að fara í sýnatöku,“ segir Margrét og bætir við:

„Það er alveg með ólíkindum að þurfa segja frá því að undanfarið  hef ég verið að hjálpa fólki sem var orðið mikið veikt og á leið á gjörgæslu þegar það bað mig um að útvega sér Ivermektín. Allir þeir sem fengu lyfið höfðu samband innan fárra daga og þökkuðu fyrir hjálpina.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -